बेइजिङ,फागुन १ । चीनको हुबेईमा बुधबार कोरोना भाइरसबाट मृत्यु हुने र संक्रमितको संख्या ह्वात्तै बढेको छ । चीनको राष्ट्रिय स्वास्थ्य आयोगले बिहीबार बिहान जनाएअनुसार बुधबार मात्रै हुबेईमा कम्तीमा २४२ जनाको मृत्यु भएको छ ।
गत डिसेम्बरमा संक्रमण देखिएयता मृत्युहुनेको यो सबैभन्दा ठूलो संख्या हो । योसंख्या मंगलबारको भन्दा दोब्बर हो । मंगलबार ९४ जनाको मृत्यु भएको थियो ।
त्यस्तै मंगलबारभन्दा बुधबार संक्रमित हुनेको संख्या करिब१० गुणाले बढेको छ । बुधबार थप १४ हजार ८ सय ४० मा कोरोना भाइरसको संक्रमण देखिएकोस्वास्थ्य आयोगले जनाएको छ । बुधबारदेखि चिनियाँ स्वास्थ्य अधिकारीहरुले बिरामीको अवस्था निर्धारणको मापदण्डमा परिवर्तन गरेकाले एकैदिन संक्रमितको संख्या बढेको हो ।
