काठमाडौं, फागुन १८ । जारी इङलिस प्रमियम लिग फुटबल अन्तर्गत शनिबार राती भएको खेलमा लिभरपुलले हार व्यहोरेको छ । वाटफोर्ड्सँग ३–० ले पराजित भएपछि लिभरपुलले सिजनकै पहिलो पराजय भोगेको हो । लिभरपुल जनवरी २०१९ पछि पहिलोपटक पराजित भएको हो ।
खेलको पहिलो हाफ गोलरहित बराबरी खेलेका दुबैटोलीले दोस्रो हाफमा भने निकै प्रतिस्पर्धा देखाएका थिए । वाटफोर्डका इस्माइला सराले गरेको दुई गोलको मद्दतले टिमले तीन गोल गर्दे लिभरपुललाई पहिलो हार चखाएको थियो ।
खेलको ५४ औं मिनेटमा सारले पहिलो गोल गरेका थिए भने त्यसको ६ मिनेटपछि नै उनले दोस्रो गोल गर्दै आफ्नो टिमलाई जित नजिक पु¥याएका थिए । खेलको ७२ औं मिनेटमा ट्रो डिनेले तेस्रो गोल गर्दै वाटफोर्डलाई ३–० को अग्रताले विजयी बनायो । लिभरपुलको यो हार ४२ खेल मध्येको पहिलो हार हो ।
