काठमाडौं, २५ फागुन । राजधानी दैनिकका कार्यकारी सम्पादक सागर पण्डित सम्मानित भएका छन् । आईतबार काठमाडौंमा आयोजित रौतहट टाईम्सको वार्षिकोत्सव कार्यक्रममा उनलाई सम्मान गरिएको हो । सत्तारुढ दल नेपाल कम्युनिष्ट पार्टी (नेकपा) का बरिष्ठ नेता तथा पुर्व प्रधानमन्त्री माधवकुमार नेपालले पण्डितलाई सम्मानपत्र प्रदान गरेका हुन् ।
आज साँझ आफ्नो फेशबुकमा सम्मानित भएको कुरा जानकारी गराउँदै उनले लेखेका छन्,”पत्रकारितामार्फत विकास र सुशासन कायम गर्न उल्लेख्य भुमिका खेलेको भन्दै रौतहट टाइम्सको वार्षिकोत्सवको अवसरमा सम्मानित हुन पाउँदा थप जिम्मेवारीबोध महसुस भएको छ । यो अवसरका लागि श्रद्धेय गोविन्द चौलागाईप्रति हार्दिक आभार व्यक्त गर्दछु। मसँगै सम्मानित हुनुहुने विद्युत प्राधिकरणका कार्यकारी निर्देशक कुलमान घिसिङ र सडक विभागका महानिर्देशक केशव कुमार शर्मा प्रति वधाई ज्ञापन गर्दछु ।”
