काठमाडौं, २५ फागुन । चर्चित गायिका आस्था राउतले विमानस्थलमा विवाद परेकी महिला प्रहरीसँगको फोटो सेयर गरेकी छिन् । उनले आज नारी दिवसको अवसरमा आफ्नो फेशबुकमा उक्त फोटो राख्दै लेखेकी छिन्, को छ यहाँ घटि बढि जोख्न छैन तुलो, बदलाका कुराभन्दा क्षमा गर्नु ठूलो । आज ११०औं अन्तर्राष्टिय नारी दिवस हो । सोही अवसर पारेर उनले उक्त फोटो सेयर गरेकी हुन् ।
केही समय अघिमात्रै गायिका राउत र महिला प्रहरीबीच विमानस्थलमा विवाद हुँदा त्यो प्रकरणको रुपमा चर्चा भएको थियो । प्रहरीले गायिका राउत र महिला प्रहरीबीच विवाद भएको फुटेज नै बाहिर ल्याएको थियो ।
