स्पेन, २६ फागुन । स्पेनिश जायन्ट रियल मड्रिड पराजित भएको छ । हिजो राति भएको ला लिगामा खेलमा रियल मड्रिड रियल बेटिससँग पराजित भएको हो । यो हारसँगै रियललाई उपाधि होडमा गम्भिर धक्का लागेको छ । मड्रिडलाई बेटिसले २–१ ले पराजित गरेको हो।
मड्रिडलाई पराजित गर्ने क्रममा रियल बेटिसका लागि सिड्नेई र क्रिस्टियन टेलोले गोल गरेका थिए। उनीहरूले क्रमशः खेलको ४० र ८२ औं मिनेटमा गोल गरेका हुन्। यस्तै मड्रिडका लागि एकमात्र गोल अतिरिक्त समयको तेश्रो मिनेटमा करिम बेन्जिमाले फर्काएका थिए।
उनले पेनाल्टीमार्फत सो गोल फर्काएका हुन्। हारपछि लिगमा रियल मड्रिड लिग लिडर बार्सिलोनाभन्दा २ अंकले पछि परेको छ। २७ खेलपछि बार्सिलोनाको ५८ अंक छ भने रियल मड्रिडको ५६ अंक छ। एजेन्सीको सहयोगमा
