एजेन्सी, २७ फागुन । भारतमा कोरोना भाइरस (कोभिड १९)को संक्रमण ५० भन्दा बढी मानिसमा देखा परेको स्वास्थ्य अधिकारीहरुले जनाएका छन् । मंगलबारमात्रै भारतको दक्षीण पश्चिम भागमा ९ जना मानिसमा संक्रमण देखिएको स्वास्थ्य अधिकारीहरुले जनाएको छ । त्यसमध्ये तीनवटा केस भारतको कर्नाटकमा दर्ता भएको राज्यको स्वास्थ्य र परिवार कल्याण आयुक्त पंकज पाण्डेले जनाएको छ । त्यसैगरि छ वटा केस भारतको केरेल राज्यमा देखा परेको पुष्टि भएको छ ।
कोरोनाको संक्रमण फैलिन नदिन केरेला सरकारले विद्यालय र आगामी हुने परिक्षा तत्कालको लागि स्थगित गरेको उच्च सरकारी अधिकारीले डा.अमर फिटलले जनाएको छ ।
केरेलाका मुख्य मन्त्री पिनाराई भिजायनले मार्च ३१ सम्म सामूहिक कार्यक्रमहरु स्थगित गर्न सुझाव दिएका छन् । साथै कोरोनाको सचेतना मुलक कार्यक्रमलाई तीव्रता दिने घोषणा समेत गरेका छन् ।
