एजेन्सी, ७ चैत्र । निर्भया बलात्कारका दोषी चारजनालाई पवन जल्लादले झुण्ड्याएका थिए । चारजनाको मुखमा नकाब लगाएर डोरी राखेर लिभर उनैले तानेका थिए ।
आज निर्भया बलात्कारका चारजना दोषीलाई झुण्ड्याएको पारिश्रमिकवापत् ५७ वर्षीय पवन जल्लादले २० हजार भारतीय रुपैयाँ पाउने टाइम्स अफ इन्डियाले जेल प्रशासनलाई उदृत गर्दै जनाइसकेको छ । उक्त पारिश्रमिक उनले पाएका छन् । उनी दिल्ली नजिकैको मेरट जेलमा कार्यरत छन् । मासिक तीन हजार भारतीय रुपैयाँ पारिश्रमिक पाउँछन् जो उत्तर प्रदेशको एकमात्र प्रमाणिकृत फाँसी दिन पाउने व्यक्ति हुन् ।
बाल्यकाल देखि नै उनको परिवार फाँसी दिने जागिरे थिए । २० वर्षकै उमेरमा पवन जल्लादले फाँसी दिएका थिए । उनका हजुरबाबु लक्ष्मण र बाबु कल्ल जल्लादले सन् १९८९ मा इन्दिरा गान्धीको हत्यामा संलग्नहरुलाई फाँसी दिएका थिए ।
मेरटका बासिन्दा पवनको परिवारमा सात जना सदस्य रहेका छन् । उनका छोराले फाँसी दिने जागिर नखाने इच्छा देखाएका छन् । छोरा सरकारी जागिर खान चाहन्छन् ।
भारतमा सन् २०१२ को डिसेम्बरमा भएको निर्भया बलात्कारका चारजना दोषीलाई फाँसी दिने थिए पवन जल्लाद । ५८ वर्षीय उनी फाँसी दिने परिवारमा जन्मिएका थिए । उनका बाबु, हजुबाबु र जिजुबाजे पनि फाँसी दिन्थे ।
निर्भया बलात्कारका दोषीलाई मुकेश सिंह, अक्षय ठाकुर, पवन गुप्ता र विनय शर्माले फाँसीको लिभर तानेर झुण्ड्याएर फाँसी दिएका थिए ।
