उदयपुर, २० चैत्र । लागूऔषध सहित २ जनालाई बुधबार साँझ प्रहरीले पक्राउ गरेको छ । त्रियुगा नगरपालिका खूदियाई जंगलबाट नियन्त्रित लागूऔषध डाइजेल्याब ३० एम्पुल, लुप्रिजेसिक ३० एम्पुल र फेनारगन ३० एम्पुल सहित त्रियुगा नगरपालिका बिबेक राई समेत २ जनालाई पक्राउ गरेको हो ।
जिल्ला प्रहरी कार्यालय उदयपुरबाट खटिएको प्रहरीले लु.४६ प ४४८ र स.११ प ४९७५ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी पक्राउ गरेको हो ।
यस सम्बन्धमा प्रहरीले थप अनुसन्धान भईरहेको जनाएको छ ।
