काठमाडौं, बैशाख ३ । नेपाल प्रहरीमा वरिष्ठ उपरिक्षक एसएसपी बढुवाको तयारी सुरु भएको छ । रिक्त १९ एसएसपी पदको लागि ४० जना एसपी प्रतिस्पर्धामा छन् । बढुवामा योग्य रहेका सम्भावित उम्मेदवारहरुको सूची तयार भइसकेको र नाम मात्रै सिफारिस गर्न बाँकि रहेको स्रोतले जानकारी गराएको छ ।
बढुवाको लागि प्रतिस्पर्धी धेरै भएकाले पनि सिफारिस समितिलाई बढुवा गर्न सकस परिरहेको जनाइएको छ । एसएसपीको बढुवापछि एसपी र डीएसपीको बढुवा एकै पटक गर्ने समेत प्रहरी मुख्यालयको तयारी रहेको छ । गत शुक्रबार मात्रै १० जना एसएसपी डीआइजीमा बढुवा सिफारिस भएका थिए ।
