एजेन्सी ३ वैशाख : अमेरिकामा बुधबारसम्ममा कोरोना भाइरसबाट मृत्यु हुनेको संख्या २६ हजार ६४ पुगेको छ । यसैगरी त्यहाँ एकै दिनमा २ हजार एक २९ जनाको मृत्यु भएको छ । यो हालसम्मकै धेरै आँकडा हो ।
त्यसैगरी ६ लाख १४ हजार दुई सय ४६ अमेरिकी कोरोना भाइरसको चपेटामा परेका छन् । गत दुई दिनमा कोरोनाका कारण मर्ने मानिसहरुको संख्यामा कमी देखिएको थियो । तर मंगलबार फेरि उक्त आँकडा बढेको थियो ।
योभन्दा पहिले १० अप्रिलमा अमेरिकामा एकैदिनमा दुई हजार ७४ जनाको मृत्यु भएको थियो । अमेरिकामा भाइरसबाट सबैभन्दा धेरै न्यूयोर्क राज्य प्रभावित भएको छ । न्यूयोर्क राज्यमा मात्र १० हजार भन्दा बढी को मृत्यु भएको छ ।३८ हजार आठ सय २० जना मानिस संक्रमण को उपचार पछि सकुसल घर फर्केका छन् ।
