काठमाडौं, ९ वैशाख । उपत्यकालगायत देशका विभिन्न स्थानमा हावाहुरी र असिनासहित भारी वर्षा भएको छ । आकाशमा कालो बादलसहित चट्याङ्ग पनि परिरहेको छ ।
गएराति देखि देशका अधिकांश स्थानमा वर्षा भइरहेको छ । विहान उपत्यकामा लामो समय वर्षा भएको थियो । अपरान्ह मेघगर्जनसहित भारी असिनासहित वर्षा भएको हो । अहिले उपत्यकामा चीसो बढेको छ ।
देशका अधिकांश स्थानमा हिजो पनि चट्याङ्ग र हावाहुरीसहित वर्षा भएको मौसम पूर्वानुमान महाशाखाले जनाएको छ । महाशाखाले आज साँझ र भोलि पनि विभिन्न स्थानमा वर्षा हुने सम्भावना रहेको जनाएको छ ।
