काठमाडौं, ९ वैशाख । देशमा आज नयाँ कोरोना भाइरसका संक्रमित थपिएका छन् । उनी ३३ वर्षीय पुरुष हुन् ।
स्वास्थ्य मन्त्रालयका प्रवक्ता डा. विकास देवकोटाका अनुसार उदयपुरबाट ल्याइएको स्वाब परीक्षणका क्रममा उनको कोरोना भाइरस संक्रमणको पुष्टि भएको हो । ३३ वर्षीय पुरुष उदयपुरको त्रियुगा नगरपालिका भुल्कुस्थित मस्जिदमा संक्रमित १३ जनासँग सम्पर्कमा आएका व्यक्ति हुन् ।
उदयपुरको मस्जिदमा संक्रमित भेटिएपछि सम्पर्कमा आएकाहरुको स्वाब संकलन गरी ल्याएर टेष्टको क्रममा छ । स्वास्थ्य मन्त्रालयका अनुसार हिजोमात्र एक सय जनाको स्वाब संकलन गरी ल्याइएको र आज साँझसम्म नतिजा आउने सम्भावना रहेको छ । धेरै टेष्ट भइरहकाले संक्रमित संख्या थपिनसक्ने सम्भावना बलियो रहेको छ ।
