काठमाडौं, १२ वैशाख । देशमा कोरोना भाइरस संक्रमित संख्या ४९ पुगेको छ । आज ६२ वर्षीय पुरुषमा संक्रमण भेटिएको स्वास्थ्य मन्त्रालयले जनाएको छ ।
स्वास्थ्य मन्त्रालयका सह प्रवक्ता डा. सरिमकुमार अधिकारीले झापाका पुरुषमा संक्रमण भेटिएको पुष्टि गरेका हुन् । मन्त्रालयका अनुसार वीपी कोइराला स्वास्थ्य विज्ञान प्रतिष्ठानको प्रयोगशालामा भएको परीक्षण अनुसार पुरुषको संक्रमण भेटिएको हो । उनी आइसोलेशनमा अस्पतालमा रहेको र स्वास्थ्य अवस्था सामान्य रहेको स्वास्थ्य मन्त्रालयले जनाएको छ । योसँगै संक्रमित संख्या ४९ पुगेको छ ।
