काठमाडौं, बैशाख १३ । बंगालको खाडीबाट प्रवेश गरेको जलवाष्पयुक्त हावाले देशभरको मौसममा परिवर्तन गराइदिएको छ ।
हाल देश पश्चिमी पाहाड तथा तराईका केहि स्थानहरुमा सामान्य बदली भई वर्षा भइरहेको छ । जल तथा मौसम पूर्वानुमान महाशाखाका अनुसार आईतबार देशभरको मौसममा परिवर्तन कायमै रहेने जनाइएको छ ।
मध्ये दिनबाट देशभरको मौसममा सामान्य बदली आई केहि स्थानहरुमा चट्याङ्गसहित मेघगर्जन, असिना र हावाहुरी आउन सक्ने भएकाले सचेत रहनसमेत महाशाखाले आग्रह गरेको छ ।
त्यस्तै आज राती समेत काठमाडौं उपत्यकासहित देशका केहि उच्च पाहाडी भेगमा मध्यम वर्षाको सम्भावना रहेको जनाइएको छ ।
