काठमाडौं, २७ वैशाख । शुक्रबार रविभवनमा दुर्घटनामा ज्यान गुमाएका २३ वर्षीय टीकाराम गेलालले तिव्र गतिमा मोटरसाइकल हाँकेको देखएको छ । कर्णेल शिखर जबराले चलाएको रातो कार आफ्नै लेनमा छ । तर, गेलालले चलाएको मोटरसाइकल विपरित दिशामा पुगेर ठोक्किएको छ ।
घटनामा गेलालको मृत्यु भयो । तर, पोष्टिङ फेरिएर नयाँ ठाउँमा हाजिरमात्र भएका लेफ्टिनेन्ट कर्णेल शिखर जबरा ठूलै लफडामा परेका छन् ।
शुक्रबार बिहान स्युचाटारस्थित घर र सैनिक मुख्यालयको बीचमा गाडी चलाउने क्रममा बिपरित दिशाबाट आएको मोटरसाइकललाई जोगाउने उनको प्रयास सफल भएन । मोटरसाइकल चालक गेलालले घटनास्थलमै ज्यान गुमाए ।
मोरङ,बेलबारी घर भएका २३ वर्षीय टीकाराम गेलालले होटलमा काम गर्थे । उनी कुखुराको मासु किनेर फर्किएका थिए । घटनास्थलमा कुखुराको मासु छरपष्ट भएको थियो ।
लमजुङस्थित नेपाली सेनाको श्रीजंग गणबाट भर्खरै काठमाण्डौ सरुवा भएका लेफ्टिनेन्ट कर्णेल जबरा घटनामा दोषी भने देखिएका छैनन् । भिडियोले उनी आफ्नै दिशामा सामान्य गतिमा देखिन्छन् ।
भिडियो हेर्नुहोस्ः
भिडियो साभारः देशसञ्चार
