काठमाडौ, ४ जेठ । चलचित्र ‘ए मेरो हजुर’ बाट डेब्यु गरेकी नायिका सुहाना थापा अभिनयमा अब्बल छिन् । आमा झरना थापाले निर्माण गरेको उक्त फिल्म दर्शकले सर्वाधिक रुचाएका थिए । फिल्ममा नायक अनमोल केसी र सुहाना थापाको जोडी निकै जमेको थियो । उनले अभिनय गरेको पहिलो फिल्म नै २०७६ को सफल फिल्मको सुचीमा पर्न सफल भयो ।
उनले गाईलाई धेरै माया गर्छिन् । केही दिन अघि मात्र राधा कृष्ण मन्दिरमा आफ्नो जन्मदिनको अवसरमा गाईहरुलाई खानेकुरा खुवाएकी सुहानाले आज गाईको बाच्छोलाई अंगालोमा राखेको सुन्दर तस्वीर इन्स्टाग्राममा सार्वजनिक गरेकी छिन् ।
