काठमाडौं, जेठ १४ । नोवल कोरोना भाइरसको संक्रमणबाट संयुक्त राज्य अमेरिकामा मृत्यु हुनेको संख्या १ लाख नाघेको छ । गत फागुनयता करीव तीन महिनाको अवधिमा ज्यान गुमाउनेको संख्या ६ अंकमा उक्लेको हो । विश्वको सुपरपावर अमेरिकामा संक्रमितको संख्यामा समेत उल्लेख्य बृद्धि भएको छ ।
आधिकारिक रूपमा तथ्यांक अपडेट गर्दैआएको न्युजब्रेकका अनुसार गएको जनवरी महिनामा कोभिड(१९ को संक्रमण देखिएयता अमेरिकामा अहिलेसम्म १७ लाख १८ हजार बढी मानिसमा कोरोना भाइरसको संक्रमण देखिएको छ। यस अवधिमा संक्रमित बिरामीहरू मध्ये झण्डै सॉढे ३ लाख व्यक्ति उपचारपछि घर फर्किएका छन् ।
