रुकुमपश्चिम घट्ना : गोविन्द शाहीको पनि शव फेला

काठमाडौं, २० जेठ । रुकुम पश्चिमको सोतीमा यही जेठ १० गते भएको घटनामा बेपत्ता भएका जाजरकोटका भेरी नगरपालिका–११ मटेलाका १९ वर्षीय गोविन्द शाहीको शव पनि फेला परेको छ । प्रहरीका अनुसार उनको शव मंगलबार भेरी नगरपालिका–१२, खोताखोलास्थित भेरी नदीमा फेला परेको हो ।

यसअघि नवराज बिकसहित पाँच जनापनि नदीमै मृत्त फेला परेका थिए । उनीहरुलाई हत्या गरेर नदीमा फालिएको पीडित परिवारले बताउँदै आएको छ । हत्यामा संलग्न दोषीलाई कारबाही गर्नुपर्ने आवाज उठिरहेको छ । FILE PHOTO