काठमाडौ, २६ जेठ । नेपालमा कोरोना भाइरसका संक्रमित सख्या फेरि ठुलो संख्यामा थपिएका छन् । आज २ सयभन्दा बढी कोरोना संक्रमित थपिएका हुन् । यसको औपचारिक जानकारी स्वास्थ्य तथा जनसंख्या मन्त्रालयले अपरान्ह सवा ४ बजे दिने भएको छ ।
आज थपिएसँगै संक्रमित ३६ सय नाघेको छ । यसअघि हिजो २१३ जना संक्रमित थपिएर कुल संख्या ३ हजार ४ सय ४८ पुगेको थियो ।
यसैगरी, आज थप एकजना संक्रमितको मृत्यु पुष्टि भइसकेको छ । यसको पनि स्वास्थ्य मन्त्रालयले औपचारिक जानकारी दिनेछ । अहिलेसम्म १४ जना संक्रमितको मृत्यु भइसकेको छ ।
