काठमाडौं, ३२ जेठ । बलिउडका युवा अभिनेता सुशान्तसिंह राजपुतले आत्महत्या गरेका छन्। मुम्बईको बान्द्रास्थित आफ्नै घरमा उनले आइतबार पासो लगाएर आत्महत्या गरेका हुन् । ३४ वर्षीय राजपुतको निधनलाई लिएर सिंगो भारतीय चलचित्र उद्योग यतिवेला शोकमा छ । सिंहको निधनलाई लिएर बलिउडका स्टारहरुले राम्रो स्टार गुमाएको भन्दै सामाजिक सञ्जालमार्फत श्रद्धाञ्जली अर्पण गरिरहेका छन् ।
बलिउडकी चर्चित अभिनेत्री नेपाली चेली मनिषा कोइरालाले सुशान्तको निधनले आफू स्तब्ध भएको बताएकी छिन् । सामाजिक सञ्जाल ट्विटरमार्फत उनले सुशान्तको निधनले आफू स्तब्ध भएको भन्दै सुशान्तले विभिन्न विषयमा गर्ने बहस आफूले मन पराउने गरेको पनि कोइरालाले स्मरण गरेकी छिन् । उनले अन्तिममा हार्दिक समवेदना व्यक्त गरेकी छिन् ।
सुशान्तको निधनपछि सलमानले भने : ‘तिमी सम्झनामा रहिरहनेछौं’
