एजन्सी ४ असार । आत्महत्या गरेका बलिउड नायक सुशान्त सिंह राजपुतको गर्लफ्रेन्ड भनिएकी नायिका रिया चक्रवर्तीसँग मुम्बई प्रहरीले बयान लिएको छ । उनी आज बयान दिन पहरी चौकी पुगेकी थिइन् ।
रिया बिहीबार मूम्बईस्थित बंड्रा प्रहरी चौकी पुगेकी हुन् । मुम्बईको बंड्रा प्रहरी चौकीले सुशान्तको आत्महत्या केसको अनुसन्धान प्रक्रिया सुरु गरेको छ । सुशान्तका गर्लफ्रेन्ड रिया सहित नजिकका साथीहरुको बयान लिन थालिएको प्रहरी चौकीले जनाएको छ ।
आत्महत्याको विषमा नायिका रियालाई प्रहरीले चौकी आएर बयान दिन आग्रह गरेका थिए । सुशान्तको आत्महत्याको केस बंडा प्रहरी चौकीमा दर्ता भएको कारण बंड्रा प्रहरीले अनुसन्धान सुरु गरेको हो । हिजो उक्त केसको सम्बन्धमा निर्देशक आदित्य छाब्राको बयान दर्ज गरिएको थियो । रिया उक्त घटना प्रति निकै दुखी भएकी छिन् ।
