विराटनगर । नेपाली मौलिक गीत संगीतको क्षेत्रमा स्थापित गायिका पुर्णकला विसी र गायक सुरज थापाको आवाजमा ‘पैसाको अभाव’ गीतको भिडियो डिजिटल बजारमा आएको छ । पैसाको अभावमा धन कमाउने सपना बोकेर विदेश गएका हजारौ नेपाली युवाको जीवन भोगाईलाई गीतमा समेटिएको छ । साहुसँग ऋण लिएर परदेशी भूमिमा श्रम गर्न विवश हजारौ युवाको वास्तविक कथालाई गीतमा समेटिएको छ ।
रोशन पोखरेल र इन्द्र दाहाल शिशिरको शब्द सिर्जना तथा सन्तोष पौडेलको लय गीतमा रहेको छ । गीतको शब्द तथा भाव अनुसारको एरेन्ज कृष्ण केसीले गरेका छन् । सुशिल डाँगी र राहुल राईको छायाँकन, अविनास डिसीको सम्पादन तथा रविन शाहको निर्देशन भिडियो बनेको छ ।
पैसाको अभाव गीतको भिडियोमा सारिका केसी, जय देवकोटा, शेखर दाहाल र बाल कलाकारको भूमिकामा प्रिन्सा खड्का र चन्दन शाहीको अभिनय रहेको छ ।
