काठमाडौं, १९ भदौ । चर्चित नायक पल शाह नायिका एलिजा गौतम अभिनित ‘धानै कुट्ने ढिकी’ बोलको गीतको भिडिओ सार्वजनिक भएको छ । आज (शुक्रबार) अपरान्ह पाँच बजे उक्त गीतको भिडिओ ‘पवन वली’ नामक युट्युब च्यानलमार्फत सार्वजनिक गरिएको हो ।
सर्वाधिक रुचाईएकी र चर्चित गायिका विष्णु माझी र गायक पवन वलीको स्वर रहेको उक्त गीतको रचनाकार पनि गायक वली नै हुन् । शिब बि.क.को कोरियोग्राफी र निर्देशन रहेको भिडिओ अत्यन्तै मौलिक बनेको छ । अर्जुन तिवारी र टिमको छायाँकन रहेको गीतमा एरेन्ज तथा मिक्सिङ आशिष अविरलको छ ।
