वीरगंज, २२ भदौ । पर्सा जिल्लाको सखुवाप्रसौनी गाउँपालिका–२ एकटाँगा जाने बाटोको आँप बगैचामा तस्करहरुले भण्डारण गरी राखेको चार थान सालको गोलिया सशस्त्र प्रहरीले बरामद गरेको छ । गएराति सशस्त्र प्रहरी सुरक्षा बेस क्याम्प बागेश्वरी तित्रौनाको टोलीले चार थान सालको गोलिया बरामद गरेको सशस्त्र प्रहरी निरीक्षक मानबहादुर पाण्डेले जानकारी गराए ।
बरामद सालको गोलिया ३० क्युफिट रहेको र आवश्यक कारबाईको लागि सबडिभिजन वन कार्यालय रङ्गपुरको जिम्मा लगाएको सशस्त्र प्रनि पाण्डेले बताए । कोरोना महामारीको मौका छोपेर यतिबेला काठ तस्करहरु सक्रिय भएका छन् । पर्सा जिल्लाको राष्ट्रिय वनबाट रुख काटेर व्यापक रुपमा काठ तस्करी भइरहेको स्थानीयले बताएका छन् ।
