चलचित्र निर्देशक तथा स्क्रिप्ट राइटर छेतन गुरुङको निधन

काठमाडौं, भदौ २४ । चलचित्र निर्देशक तथा स्क्रिप्ट राइटर छेतन गुरुङको निधन भएको छ । निर्देशक छेतेन गुरुङको ४२ वर्षको उमेरमा बुधबार निधन भएको हो ।

कलेजोमा समस्या देखिएपछि दुई दिनअगाडि अस्पताल भर्ना भएको उनको उपचारकै क्रममा बुधबार बिहान महाराजगंजस्थित मेट्रो अस्पतालमा मृत्यु भएको छ

उनको परिवारमा आमा, भाइ र एक छोरी छन् । श्रीमतीको भने मृत्यु भइसकेको छ ।