काठमाडौं, १६ कात्तिक । विश्वभर कोरोना भाइरसको संक्रमणबाट मृत्यु हुनेको संख्या १२ लाख नाघेको छ । पछिल्लो तथ्यांक अनुसार विश्वभर १२ लाख ३ सय ९७ जनाको कोरोना संक्रमणबाट मृत्यु भइसकेको छ ।
अहिलेसम्म कुल संक्रमित संख्या ४ करोड ६३ लाख नाघेको छ । ३ करोड ३४ लाख संक्रमणमुक्त भएका छन् ।
अमेरिकामा सबैभन्दा बढी ९४ लाख संक्रमित संख्या नाघेको छ । जसमध्ये २ लाख ३६ हजारको मृत्यु भएको छ ।
भारतमा ८१ लाख संक्रमितमध्ये एक लाख २२ हजारको मृत्यु भएको छ । ब्राजिलमा ५५ लाख संक्रमितमध्ये एक लाख ५९ हजारको मृत्यु भएको छ ।
नेपालमा एक लाख ७० हजार ७ सय ४३ संक्रमित संख्या पुगेको छ । जसमध्ये ९ सय ३७ जनाको मृत्यु भएको छ । एक लाख ३१ हजार २ सय २२ जना संक्रमणमुक्त भएका छन् ।
