काठमाडौं, २३ कात्तिक । कोरोना संक्रमणबाट आज थप २१ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या ११०८ पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित २८ सय १७ थपिएका छन् । आज २८१२ जना कोरोना संक्रमणबाट निको भई घर फर्केका छन् । हालसम्म १ लाख ९४ हजार ४ सय ५३ संक्रमित भएपनि १ लाख ५७ हजार ९ सय २६ जना संक्रमण निको भई डिस्चार्ज भईसकेका छन् भने ३५ हजार ४ सय १९ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
आजसम्म १५ लाख ४० हजार ७७ जनाको पिसीआर परिक्षण भएको छ भने ३५ हजार ४ सय १९ जना आइसोलेशनमा बसेका छन् । त्यस्तै क्वारेन्टिनमा बस्नेको सख्या ११ सय ४९ रहेको छ ।
