काठमाडौं, ७ मंसिर । आज गोर्खा लाइभ अनलाइनको उद्घाटन गरिएको छ । सत्तारुढ नेपाल कम्युनिष्ट पाटी (नेकपा) का प्रवक्ता नारायणकाजी श्रेष्ठले एक कार्यक्रमका बीच उक्त अनलाईनको उद्घाटन गरेका हुन् । उद्घाटन कार्यक्रममा बोल्दै प्रवक्ता श्रेष्ठले जनतालाई सत्य तथ्य र निस्पक्ष सुचना जानकारी गराउन संचार माध्यमको भुमिका निकै ठुलो हुने बताए ।
उनले संचार माध्यम आवाज विहीनहरुको आवाज बन्न सक्नुपर्ने पनि धारणा राखे । कार्यक्रमको सभापतित्व दिपक गुरुङले गरेका थिए । अथितिमा साहित्यकार सुरेन्द्र महर्जनूअमरू गोर्खा लाइभ डट कमको सफलता एवं उन्नतिको कामना गरेका थिए ।
विभिन्न मिडियामा कार्यरत पत्रकार तथा कलाकारहरूको सहभागिता रहेको उक्त कार्यक्रममा कार्यक्रममा तीन दशक भन्दा लामो समयदेखि साहित्य क्षेत्रमा योग्दान गर्दै आएका साहित्यकार सुरेन्द्र महर्जन अमरलाई सम्मान गरिएको थियो । प्रमुख अतिथि नारायणकाजी श्रेष्ठद्वारा साहित्यकार अमरलाई “गोर्खा लाइभ सम्मान–२०७७” बाट सम्मानित गरिएको हो ।कार्यक्रम संचालन पत्रकार बिनिता क्षेत्रीले गरेकी थिईन् ।
