झापा, ८ मंसिर । छिमेकीसँग खेतमा धान काट्न जादाँ खुकुरी प्रहार गरी श्रीमतीको हत्या गरेको अभियोगमा ४७ वर्षीय पुरुष पक्राउ परेका छन् । खुकुरी प्रहार गरी आफ्नै श्रीमतीको हत्या गरेको अभियोगमा दमक नगरपालिका–१ बस्ने ४७ वर्षीय चुडामणि भण्डारीलाई आइतबार साँझ प्रहरीले पक्राउ गरेको हो ।
उनकी श्रीमती ३८ वर्षीया टिका देवी पौडेल र सोही नगरपालिका–२ बस्ने ३५ वर्षीय प्रकाशचन्द्र दाहाल कमल गाउँपालिका–६ जिवन चोकस्थित खेतमा धान उठाउन गएको अवस्थामा चुडमणिले दुवै जनालाई खुकुरी प्रहार गर्दा टिकाको घटनास्थलमै मृत्यु भएको थियो । प्रकाशचन्द्र घाइते भएका थिए ।
भण्डारीलाई ईलाका प्रहरी कार्यालय दमकबाट खटिएको प्रहरीले उनलाई पक्राउ गरेको जनाएको छ । घाइतेको एड्भान्स अस्पताल दमकमा उपचार भइरहेको छ । यस सम्बन्धमा प्रहरीले आवश्यक अनुसन्धान गरिरहेको बताएका छ ।
