वीरगञ्ज, १८ पौष । बाटो काट्दै गरेको बाघलाई कारले ठक्कर दिदा घटनास्थलमै मृत्यु भएको छ । बाराको जितपुर सिमरा १ स्थित आधारभार जंगलमा पर्ने पूर्व पश्चिम राजमार्गमा शनिबार विहान कारले पाटे बाघलाई ठक्कर दिएको थियो ।
कार हेटौंडाबाट सर्लाही जाँदै गर्दा बाटोमा बाघ अचानक देखापरेको थियो । पक्राऊ परेका कार चालकले बाघ अचानक देखेपछि आत्तिएको बयान दिएको बुझिएको छ । बाघले आक्रमणको नियतले आउँदा ठक्कर लागेको बुझिएको छ ।
कार चालक अजय मिश्रलाई प्रहरीले राष्ट्रिय निकुञ्जको जिम्मा लगाएको छ । उनलाई हिरासतमा लिएर आवश्यक कारबाही शुरु गरिएको जनाइएको छ ।
