काठमाडौं, २१ पौष । लेखक खगेन्द्र संग्रौलाले ट्वीटरको वालबाट ज्याक मा बेपत्ता भएको ट्वीट गायब पारिएको भन्दै आपत्ती जनाएका छन् । उनले ट्वीट गर्दै त्यसबारे सार्वजनिक रुपमा जानकारी समेत मागेका छन् ।
संग्रौलाले सोमबार ट्वीट गर्दै चिनियाँ धनाढ्य ज्याक मा समेत वेपत्ता पारिएको भन्दै चीनको राजनीतिक अवस्थाको आलोचना गरेका थिए । उनले उक्त ट्वीट कस्ले हटाएको हो भन्दै प्रश्न समेत गरेका छन् ।
संग्रौलाले लेखेका छन्ः उल्का भाे! चीनका महाधनाढ्य ज्याक मा बेपत्ता भएकाे प्रसङ्गमा चीनमा नागरिककाे सुरक्षा र अस्मिताकाे हालतबारे हिजाे बेलुका ट्वीट गय्राथेँ,मेराे वालबाट त्याे ट्वीट गायब भएछ।याे गायब पार्ने चिनियाँ “समाजवाद” हाे कि, सी विचारधाराका नेपाली अनुयायी हुन् कि कुनै चटके चाेर हाे?थाहा चाहियाे!
