रामकुमारीलाई विना शर्त रिहा गर्न माग गर्दै रामचन्द्रले भने-“सरकारको अधिनायकवादी चरित्र उदाङ्गो”

काठमाडौं, २९ माघ । नेपाल कम्युनिष्ट पार्टी (नेकपा) दाहाल–नेपाल समूहकी नेतृ रामकुमारी झाँक्रीलाई प्रहरीले पक्राउ गरेपछि कांग्रेस वरिष्ठ नेता रामचन्द्र पौडेलले विना शर्त रिहाईको माग गरेका छन् । उनले सरकारले रामकुमारी झाँक्रीलाई पक्राउ गरेर आफ्नो अधिनायकवादी चरित्र उदाङ्गो पारेको टिप्पणी गरेका छन् ।

सामाजिक सञ्जाल ट्विटरमार्फत नेता पौडेलले यस्तो लेखेका छन् । उनले सरकारले संविधानले व्यवस्था गरेको नागरिकको अभिव्यक्ति स्वतन्त्रतामाथि नाङ्गो हस्तक्षेप गरेको पनि बताए । उनले झाँक्रीलाई पक्राउ गरिएको घटनाको आफूले घोर भत्सर्ना गर्ने र विना शर्त रिहा गरिनुपर्ने माग गरेका छन् । उनले लेखेका छन्–”सरकारले रामकुमारी झाँक्रीलाई पक्राउ गरेर आफ्नाे अधिनायकवादी चरित्र उदाङ्गाे पारेकाे छ । संविधानले व्यवस्था गरेकाे नागरिककाे अभिव्यक्ति स्वतन्त्रता माथि नाङ्गो हस्तक्षेप गरेकाे छ। त्यसैले रामकुमारी झाँक्रीलाई पक्राउ गरिएकाे घटनाकाे म घाेर भत्सर्ना गर्दछु विना शर्त रिहा गरियोस् !”