काठमाडौं, १० चैत्र । अवैध लागूऔषध सहित ६ जनालाई प्रहरीले पक्राउ गरेको छ । चौदण्डीगढी नगरपालिका–४ रामपुरबाट करिब ३ ग्राम ३८ मिलिग्राम अवैध लागूऔषध ब्राउनसुगर, ७ बोतल कोरेक्स र ५० ग्राम अवैध लागूऔषध गाँजा सहित त्रियुगा नगरपालिका–१३ बस्ने ३० वर्षीय खगेन्द्र राई लगायत ६ जनालाई सोमबार दिउँसो पक्राउ परेका हुन् ।
ईलाका प्रहरी कार्यालय बेल्टारबाट खटिएको प्रहरीले उनीहरुको साथबाट उक्त लागूऔषध सहित फेला पारी पक्राउ गरेको हो । त्यस्तै, बाके नेपालगंज उपमहानगरपालिका–१५ जमुनाहबाट नियन्त्रित लागूऔषध नाइट्राभेट ६० ट्याब्लेट र १ हजार ट्याब्लेट ट्रामबेल सहित रोल्पा भाडी गाउँपालिका–६ कोचोवाङ बस्ने २५ वर्षीय नरेश बिकलाई सोमबार दिउँसो प्रहरीले पक्राउ गरेको छ ।
भारतबाट नेपालतर्फ आउँदै गरेका उनलाई लागूऔषध नियन्त्रण व्यूरो नेपालगंज बाँके र ईलाका प्रहरी कार्यालय जमुनाहबाट खटिएको प्रहरीले जाँच गर्दा उक्त लागूऔषध सहित फेला पारी पक्राउ गरेको हो ।
