एजेन्सी, १२ चैत्र । नेपाल लगायत धेरै देशहरुमा कोरोना भाइरस तिव्र रुपमा बढ्दै गएको छ । कोरोना खोपका कार्यक्रम पनि भइरहेका छन् । बलिउड कलाकारहरुले पनि कोरोना खोप लगाइरहेका छन् ।
आज बलिउडका स्टार सलमान खानले कोविड १९ को पहिलो पटक खोप लगाएका छन् । सलमान आफैले ट्विट् गर्दै यसबारेमा जानकारी दिएका हुन् । सलमानले लेखेका छन्, ‘आज मैले पहिलो पटक कोरोना खोप लगाए ।’
भारतको महाराष्ट्र लगायत विभिन्न राज्यहरुमा कोरोना भाइरस तिव्र रुपमा फैलिएको छ । यसबाट केही कलाकारहरु पनि संक्रमित भैसकेका छन् । सलमान खानको ट्विटलाई फ्यानहरुले प्रतिक्रिया दिँदै उनलाई सुरक्षित रहन पनि सल्लाह दिएका छन् ।
