काठमाडौं, २९ चैत्र । नेपाली कांग्रेसको पदाधिकारी बैठक सुरु भएको छ । पार्टीको केन्द्रीय कार्यसमिति बैठकका लागि एजेण्डा तय गर्न आज पदाधिकारी बैठक बसेको हो । केन्द्रीय समितिको बैठक भने भोलि बस्दैछ । अहिले सुरु भएको पदाधिकारी बैठकमा सभापति शेरबहादुर देउवा भने उपस्थित् छैनन् । उनी कार्यव्यस्तताको कारण आजको बैठकमा सहभागी हुन नसकेको जनाईएको छ । वरिष्ठ नेता रामचन्द्र पौडेल काठमाडौं उपत्यका बाहिर भएको कारण उनीपनि आजको बैठकमा सहभागी भएका छैनन् ।
पछिल्लो समय कांग्रेसले वर्तमान केपी शर्मा ओली नेतृत्वको वर्तमान सरकारलाई विस्थापित गरेर आफ्नै नेतृत्वमा सरकार बनाउने निर्णय गरेको थियो । उक्त निर्णयअनुसार पार्टी सभापति शेरबहादुर देउवाले पनि नेकपा (माओवादी केन्द्र) र जनता समाजवादी पार्टी, नेपालका नेताहरुसँग छलफल गरेका थिए । File Photo/RN
