काठमाडौं, ६ बैशाख । लुम्बिनी प्रदेश सरकारका दुई जना मन्त्रीले राजीनामा दिएका छन् । मुख्यमन्त्री शंकर पोखरेलविरुद्ध अविश्वाको प्रस्ताव आएसँगै आन्तरिक मामिला तथा कानुन मन्त्री कुलप्रसाद केसी र सामाजिक विकास मन्त्री सुदर्शन बरालले संयुक्त रुपमा आज राजीनामा दिएका छन् ।
उनीहरुले मुख्यमन्त्री पोखरेललाई संयुक्त रुपमा राजीनामा पत्र बुझाएका छन् । मुख्यमन्त्री पोखरेलविरुद्ध आज दिउँसो १ बजेर १५ मिनेटमा कांग्रेस, माओवादी केन्द्र र जसपाले संयुक्त रुपमा अविश्वासको प्रस्ताव दर्ता गरेका छन् । नयाँ मुख्यमन्त्रीमा कुलप्रसाद केसीको नाम अघि सारिएको छ । file photo
