काठमाडौं, ८ बैशाख । आज नेपाली बजारमा सुनको मुल्य ह्वात्तै बढेको छ । मंगलबार प्रतितोला ९० हजार ७ सय रुपैयाँमा कारोबार भएको सुनको मुल्य आज १३ सय रुपैयाँले बढेको हो ।
नेपाल सुनचाँदी व्यवसायी महासंघको अनुसार आज छापावाल सुन प्रतितोला ९२ हजार रुपैयाँमा खरिद विक्रि भैरहेको छ । त्यस्तै, तेजाबी सुन प्रतितोला ९१ हजार ५ सय रुपैयाँमा कारोबार भएको छ । हिजो तेजाबी सुन ९० हजार २ सय रुपैयाँमा किनबेच भएको थियो ।
यसैगरी, चाँदीको मुल्य १० रुपैयाँले बढेकोे छ । आज चाँदी प्रतितोला १ हजार ३ सय १० रुपैयाँमा कारोवार भैरहेको महासंघले जनाएको छ ।
