काठमाडौं, १३ बैशाख । विभिन्न हातहतियार सहित पक्राउ एकजना पक्राउ परेका छन् । बिराटनगर महानगरपालिका–७ जलजला चोकस्थित राजकुमार रौनियारको आरएम ट्रेडर्सको गोदामबाट १ थान कटुवा पेस्तोल र सो पेस्तोलमा लाग्ने २ थान गोली सहित सोही ट्रेडर्समा काम गर्ने सोही महानगरपालिका–६ बस्ने सुनसरी ईटहरी उपमहानगरपिका–१७ घर भएका २४ वर्षीय सुजित साहलाई आइतबार साँझ प्रहरीले पक्राउ गरेको हो ।
जिल्ला प्रहरी कार्यालय मोरङ र राजस्व अनुसन्धान कार्यालय ईटहरीबाट खटिएको संयुक्त टोलीले जाँच गर्ने क्रममा उक्त हतियार सहित फेला पारी उनलाई पक्राउ गरेको जनाएको छ ।
