कास्की, १६ बैशाख । अवैध लागूऔषध गाँजा सहित २० वर्षीय युवक पोखराबाट पक्राउ परेका छन् । पोखरा महानगरपालिका–२७ तालचोक बस्ने २० वर्षीय रोशन गुरुङलाई ५ किलो ५ सय ग्राम अवैध लागूऔषध गाँजा सहित बुधबार बिहान प्रहरीले पक्राउ गरेको हो ।
पोखराको भण्डारढिकबाट तालचोकतर्फ आउँदै गरेको मोटरसाइकललाई ईलाका प्रहरी कार्यालय शिशुवामुकाम डाँडाको नाकबाट खटिएको प्रहरीले जाँच गर्ने क्रममा मोटरसाइकलमा सवार उनलाई उक्त गाँजा सहित फेला पारी पक्राउ गरेको बताएको छ ।
गुरुङमाथि लागूऔषध सम्बन्धी कसूर अन्तर्गत थप अनुसन्धान भइरहेको जिल्ला प्रहरी कार्यालय कास्कीले जनाएको छ ।
