एजेन्सी, २२ बैशाख । सलमान खानको बहुप्रतिक्षित फिल्म ‘राधेः योर मोस्ट वान्टेड भाई’ उनको करियरकै सबैभन्दा छोटो फिल्म भएको छ । सलमानको फिल्म पहिलो पटक थियटर तथा विभिन्न प्लेजफर्ममा रिलिज हुन लागेको हो ।
राधे जम्मा १ घन्टा ५४ मिनेटको फिल्म हो । यो फिल्म सलमानको सबैभन्दा छोटो फिल्म सावित भएको वेबदुनियाँले जनाएको छ । उक्त फिल्मलाई सेन्सर बोर्डले युए सर्टिफिकेट दिएको छ । प्रभुदेवा द्वारा निर्देशित यस फिल्ममा दिशा पटानी, रणदीप र ज्याकी श्राफ जस्ता कलाकारको अभिनय रहेको छ ।
