काठमाडौं, १६ जेठ । प्रधानमन्त्री केपी शर्मा ओलीले चुनावलाई हिन्दुको मन जित्न रकम विनियोजन गराएका छन् । ओली सरकारले आगामी आर्थिक वर्षको बजेटमा पशुपतिनाथमा ३५ करोड विनियोजन गर्नुका साथै अयोध्यापुरीमा राम मन्दिर निर्माणका लागि बजेट विनियोजन गरेको छ ।
यसअघि नै ओलीले पशुतिनाथमा सुनको जलहरीका लागि रकम विनियोजन गराएका थिए । राम मन्दिर निर्माण सुरु गराइसकेका थिए ।
पछिल्लो समय ओलीले हिन्दुत्वको मुद्दालाई उठान गरिरहेका छन् । उनको यो कदमबाट हिन्दु जनमत आकर्षित बन्दै गएको छ । ओलीले आगामी चुनावमा धर्मास्त्रलाई दरिलो रुपमा फ्याँक्ने संकेत गरिसकेका छन् ।
देशमा ९० प्रतिशतभन्दा बढी हिन्दु धर्मालम्बी रहेको अवस्थामा ओलीको पछिल्लो कदमले निकै अर्थ राख्छ । कतिपयले उनलाई हिन्दुराष्ट्र स्थापनामा बढेको भन्दै आएका छन् । ओलीले हिन्दुत्वको मुद्दालाई भने उठाइरहेको देखिन्छ ।
ओली केही महिना अघि पशुपतिनाथमा पूजा गर्न पुगेका थिए । बालुवाटारमा पूजा समेत गरेका थिए । ओली धार्मिक कार्यक्रममा निकै सक्रिय पनि भएका थिए ।-फाइल तस्बिर
