कैलाली, २३ जेठ । अवैध लागूऔषध ब्राउनसुगर सहित २ जनालाई शनिबार साँझ प्रहरीले पक्राउ गरेको छ । भजनी नगरपालिका–३ स्थित सडकबाट ३० ग्राम अवैध लागूऔषध ब्राउनसुगर जस्तो देखिने धुलो पदार्थ सहित २ जना पक्राउ परेका हुन् ।
पक्राउ पर्नेहरुमा वर्दगोरीया गाउँपालिका–१ कट्टिपुर बस्ने २५ वर्षीय धिरेन्द्र बम र सोही गाउँपालिका–१ मुडा गाउँ बस्ने २४ वर्षीय डबल भुल रहेका छन् । ‘अन टेष्ट’ लेखिएको मोटरसाइकललाई इलाका प्रहरी कार्यालय भजनी कैलालीबाट खटिएको प्रहरीले जाँच गर्न क्रममा उक्त पदार्थ सहित फेला पारी मोटरसाइकलमा सवार उनीहरुलाई पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
