काठमाडौं, २८ जेठ । अवैध लागूऔषध सहित ४ जनालाई बिहीबार दिउँसो प्रहरीले पक्राउ गरेको छ । सुर्खेत, भेरीगंगा नगरपालिका–५ बबई चेक पोईन्टबाट २ ग्राम १ सय ४० मिलीग्राम अवैध लागूऔषध ब्राउनसुगर जस्तो देखिने धुलो पदार्थ सहित वीरेन्द्रनगर नगरपालिका–१० बस्ने २४ वर्षीय मनोज विक लगायत ४ जनालाई बिहीबार दिउँसो प्रहरीले पक्राउ गरेको हो ।
विशेष सूचनाको आधारमा जिल्ला प्रहरी कार्यालय सुर्खेतबाट खटिएको प्रहरीले नेपालगंजबाट सुर्खेततर्फ आउँदै गरेका उनीहरुलाई उक्त परिमाणको लागूऔषध र २ वटा स्कुटर सहित पक्राउ गरेको बताएको छ ।
