काठमाडौं, ३१ जेठ । अवैध लागूऔषध सहित २ जनालाई प्रहरीले पक्राउ गरेको छ । हेटौंडा उपमहानगरपालिका–१० राममन्दिर मोड नजिकबाट अवैध लागूऔषध र नगद सहित २ जना आइतबार दिउँसो पक्राउ परेका हुन् ।
पक्राउ पर्नेहरुमा हेटौंडा उपमहानगरपालिका–१० राममन्दिर मोड डेरा गरी बस्ने ३१ वर्षीय हेमजंग बानियाँ र सोही उपमहानगरपालिका–१ बस्ने ३४ वर्षीय सुरेश परियार रहेका छन् ।
लागूऔषध बिक्री गरिरहेको खबर प्राप्त हुनासाथ प्रहरी चौकी भुटनदेवीबाट खटिएको प्रहरीले हेमजंगको साथबाट १४ ग्राम अवैध लागूऔषध ब्राउनसुगर जस्तो देखिने पदार्थ र नगद ३ लाख ६६ हजार २ सय ५० रुपैयाँ तथा सुरेशको साथबाट नगद २ हजार रुपैयाँ फेला पारी पक्राउ गरेको बताएको छ ।
