काठमाडौँ, ८ असार: राजेन्द्र बज्राचार्य र ईन्द्र शेखर खड्काले ओलम्पिक डेको अवसरमा आयोजित भेट्रान्स टेबल टेनिसको उपाधि जितेका छन् ।
राजेन्द्रले ४५ वर्ष माथिको प्रतियोगितामा सुमन शाक्यलाई पराजित गर्दै उपाधि जितेका हुन् । सुशिल बज्राचार्य र अमिर बज्राचार्यले तेस्रो स्थान प्राप्त गरे ।
यस्तै ५५ वर्ष माथिको स्पर्धामा ईन्द्रले नेपाल टेलिभिजनका मनोहरि थापालाई पराजित गरे । तेस्रो स्थानमा प्रकास धाख्वा र सरदमान श्रेष्ठ रहे । बिजयी खेलाडीहरुलाई अखिल नेपाल टेबल टेनिस संघका अध्यक्ष एवं नेपाल ओलम्पिक कमिटिका उपाध्यक्ष, कार्यकारी निर्देशक चतुरानन्द राजबैद्यले मेडल तथा पुरस्कार वितरण गरे । उक्त प्रतियोगितामा ४५ खेलाडीले सहभागिता जनाएको संघका उपाध्यक्ष एवं काठमाडाँै जिल्ला टेबल टेनिस संघका अध्यक्ष धर्ममान बज्राचार्यले बताए ।-रासस/File Photo
