भक्तपुर, १० असार । तास खेलिरहेको अवस्थामा ६ जना पक्राउ परेका छन् । मध्यपुर ठिमी नगरपालिका १ लोकन्थली डेरा गरी बस्ने जनक बहादुर थापाको कोठामा तास खेलिरहेको अवस्थामा सोही ठाउँ बस्ने काभ्रे घुम्लु गाउँपालिका १ घर भएका रमेश पन्त समेत ६ जनालाई बुधबार साँझ प्रहरीले पक्राउ गरेको हो ।
उक्त कोठामा तास खेलिरहेको खबर प्राप्त हुनासाथ महानगरीय प्रहरी वृत्त ठिमीबाट खटिएको प्रहरीले उनीहरूलाई नगद ४१ हजार ३ सय ६० रुपैयाँ र ३ बुक तास सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
