काठमाडौं, १४ असार । प्रधानमन्त्री केपी शर्मा ओलीले पूर्वप्रधानमन्त्री माधवकुमार नेपाल प्रचण्डको पछि कुद्दै नेपाली काँग्रेसका सभापति शेरबहादुर देउवाको घरमा धाइरहेको टिप्पणी गरेका छन् । आज बालुवाटारमा मदन भण्डारी फाउण्डेशनले आयोजना गरेको कार्यक्रममा माधव नेपाल शेरबहादुरको घरमा चिनी माग्न पुगिरहेको टिप्पणी गरेका हुन् ।
‘माधव नेपाल प्रचण्डको पछि कुद्नुहुन्छ,’ ओलीले भने,‘माधव नेपाल शेरबहादुरको घरमा चिनी मागी हाल्न पुग्नुहुन्छ ।’ उनले माधव नेपालमाथि इमान नभएको आरोप लगाए ।
‘माधव नेपाल इमान नभएको अराजक मान्छे हुन्,’ ओलीले आक्रोश पोख्दै भने । एमालेबाट भोट लिएर कार्यकर्तालाई ढाँट्दै हिंडेको आरोप लगाए ।
