काठमाडौं, १५ असार । नेपालमा कोरोना संक्रमणबाट आज थप २० जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ७१ पुगेको स्वास्थ्य मन्त्रालयले जनाएको छ ।
आज नेपालमा कोरोना भाइरसका २ हजार ६ सय ३६ जना संक्रमित थपिएसंगै कुल संक्रमितको संख्या ६ लाख ३६ हजार ९ सय १६ पुगेको छ ।
आज ४ हजार ३ सय ४८ जना संक्रमणमुक्त भएका छन् । हालसम्म नेपालमा ५ लाख ९२ हजार ५ सय ३५ जना संक्रमणमुक्त भएका छन् । मन्त्रालयको अनुसार २४ घन्टामा ११ हजार ७ सय ४८ जनाको परीक्षणबाट १७ सय २८ पिसीआर विधिबाट र ९०८ जना एन्टिजेन विधिबाट संक्रमण पुष्टि भएको हो ।
