काठमाडौँ, १८ असार । पछिल्लो २४ घन्टामा देशभर २२ सय ९९ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ४ सय २८ जना थपिएको स्वास्थ्य मन्त्रलायले जनाएको छ ।
थपिएका संक्रमित मध्ये २४ घन्टामा काठमाडौँमा ३१६ , ललितपुरमा ७८ र भक्तपुरमा ३४ संक्रमित थपिएका हुन् । कोरोना संक्रमणबाट आज थप ३४ जनाको मृत्यु भएसँगै नेपालमा मृत्यु हुनेको संख्या ९ हजार १७९ पुगेको स्वास्थ्य मन्त्रालयले जनाएको छ ।
आज कोरोना भाइरसका २ हजार २ सय ९९ जना संक्रमित थपिएसँगै कुल संक्रमितको संख्या ६ लाख ४२ हजार ५३ पुगेको छ ।
आज ३ हजार ४ सय ५१ जना संक्रमणमुक्त भएका छन् । हालसम्म नेपालमा ६ लाख ३ हजार ६ सय संक्रमणमुक्त भएका हुन्। मन्त्रालयको अनुसार आज पछिल्लो २४ घन्टामा १० हजार ५ सय ९६ जनाको परीक्षणबाट १३ सयm ९१ जना पिसीआर विधिबाट र ९०८ जना एन्टिजेन विधिबाट संक्रमण पुष्टि भएको हो ।
