काठमाडौं, २१ जेठ । एनआईसी एशिया बैंकको स्वामित्वमा रहेको असार १३ गतेदेखि लिलामीमा आएको दुई कम्पनीको संस्थापक शेयरमा आवेदन दिने आज अन्तिम दिन हो ।
महुली लघुवित्तको ५६ हजार २७० सस्थापक शेयर प्रतिकित्ता शेयरमुल्य ८ सय रुपैयाँ निर्धारण गरेर लिलामी विक्रिमा राखिएको हो ।कम्पनीको शेयर खरिदको लागि न्युनतम ५ सय कित्ताका लागि आवेदन दिन सकिने व्यवस्था गरेको छ ।
त्यस्तै, एनआईसी एशिया बैंकको स्वामित्वमा रहेको नेशनल लाईफ इन्स्योरेन्स कम्पनीको ४१ हजार ८ सय ९६ संस्थापक शेयर प्रतिकित्ता शेयरमुल्य ५१७ रुपैयाँ तोकिएको छ । इन्स्योरेन्सको शेयर खरिदको लागि न्युनतम १०० कित्ताका लागि आवेदन दिन सकिनेछ ।
दुवै कम्पनीको शेयर खरिदको लागि बोलकबोल गर्दा तोकिएको मुल्य वा सो भन्दा बढी मुल्य अंकित गरेर बोलकबोल पेश गर्नेपर्नेछ । दुवै कम्पनीको शेयर विक्रि तथा प्रबन्धकमा एनआईसी एशिया क्यापिटल रहेको छ ।
